Me rastin e finales së “Conference League” Ministria e Arsimit ka ka vendosur që data 25 maj të jetë ditë pushimi për institucionet arsimore në Tiranë.
Ministrja e arsimit, Evis Kushi ka bërë të ditur se të gjitha të gjitha institucionet arsimore publike dhe private përfshirë kopshtet, shkollat, universitetet dhe zyrat arsimore do të jenë pushim
‘Referuar vendimit të qeverisë për shpalljen e datës 25 Maj ditë pushimi për Qarkun e Tiranës, në kuadër të masave të marra për finalen e Conference League, ju njoftoj se të gjitha institucionet arsimore publike dhe private (përfshirë kopshtet, shkollat, universitetet, zyrat arsimore, etj.), do të jenë pushim. Le të jemi të gjithë pjesë e kësaj ngjarjeje të madhe dhe të mirëpresim vizitorët nga e gjithë Europa!’- shkruan ministrja.
Kujtojmë që vendimi nga Ministria e Arsimit vjen një ditë pasi u vendos që administrata të ishte pushim.
Ditën e djeshme vendimi u mor nga Këshilli i Ministrave, ndërsa ministri i Brendshëm, Bledi Çuçi bëri të ditur njoftimin.
Sipas Çuçit, pushimi do të bëhet në kuadër të masave për këtë event të madh sportiv për vendin tonë.
“Data 25 të shpallet ditë pushimi për të gjitha institucionet publike që janë pjesë e qarkut të Tiranës, do të jetë pushim për këtë qark. Kjo masë merret si masë për një ngjarje siç është finalja e konferencës së Ligës, ku presim një fluks të njerëzve që vijnë”, u shpreh Çuçi.
