Mbrëmjen e sotme në Pallatin e Brigadave është mbajtur një ceremoni në nder të shkrimtarit Martin Camaj.
Në fjalën e tij në këtë ceremoni kryeministri Edi Rama, foli edhe për debatet më të fundit në lidhje me debatin për zgjerimin e kufirit detar të Greqisë me 12 milje në detin Jon.
Kryeministri Rama tha se për fat të keq në kombin tonë ka pasur dhe ka akuzatorë, të cilët vetëm shpifin e se për fat të keq këto shpifje besohen akoma edhe sot. Rama tha se prirja kombëtare në raste të caktuara për të besuar të keqen, për të besuar shpifjen prevalon.
“Më shkon gjuha tek deti po nuk po merrem me të sot, është rast tipik kur s’ka marrëveshje dhe negociata sepse nuk kemi rënë dakord. Të thonë thellohu-thellohu, domethenë ti diçka ke dhe kështu pash që po shfaqeshin duart e tyre mbi engjejt e asaj gostisë së De Radës të veshur me veladonin e mërtirëve të dëshmorëve. Debati i Camajt dhe për të tjerë do të ishte i destinuar të bëhej si pseudodebati i detit.
Duke qenë se populli shqiptar e ka treguar se kur gënjeshtra ka bërë xhiron e botës dhe e vërtetë nuk i ka ngritur akoma pantallonat, tregon se në këtë fushë fiton vetëm një burim i respektuar informacioni: shpifja, gënjeshtra dhe demaskimi.
Prirja kombëtare në raste të caktuara për të besuar të keqen, për të besuar shpifjen prevalon. Do të dihej se dosja e suvejimit është ndryshe nga ajo e bashkëpunimit. Ka dosje,po mo po ka dosje, janë njëlloj si kartelat mjeksore ndërsa kartela e njerëzve të lindur me njollë ishte aty për të gjithë dhe mbushej siç e tregojnë dosjet që ju keni publike me të dhëna të vazhdueshme dhe bënte që kur vinte dita që fëmija të shkonte në shkollë dikush që skishte lidhje me dosjen informohej se kush nuk do të shkonte në shkollë”, është shprehur Rama.
