Një 25-vjeçar shqiptar, i cili akuzohej për vrasjen e një çifti, Christian Pandolfino dhe Igor Maciejoëski në Maltë, ka tentuar që të arratiset nga burgu.
Mediat në Maltë kanë bërë me dije se shqiptari Daniel Muka, është përpjekur të arratiset nga qelia.
Sipas përshkrimit të mediave vendase, mësohet se një roje vuri re që dritaret e qelisë së Mukës nuk ishin ashtu siç duheshin.
Pas njoftimit menjëherë gardianët e burgut kanë kryer kontrolle duke gjetur armë të ndryshme të improvizuara dhe një çengel.
Bëhet me dije se i dyshuari për vrasje të dyfishtë tani është transferuar në një dhomë të vetme në krahun e ri të Institucionit Korrektues Corradino.
Shtetasi 25-vjeçar shqiptar akuzohet për vrasjen e çiftit brenda shtëpisë së tyre në Sliema më 18 gusht.
Policia gjithashtu dëshmoi se ata e gjetën Mukën teksa mbante një nga gjerdanët prej ari të cilin Pandolfino e mbante në kohën para vrasjes./GazetaReforma.com/
