Pas shtatë ditësh protesta radhazi, për shkak të vrasjes së 25-vjeçarit Klodian Rasha nga efektivi i policisë, sot nuk është zhvilluar protestë as në Tiranë dhe as në qytete apo rrethe të tjera.
Pavarësisht kësaj, policia ka marrë masa paraprake që të mos ketë grumbullime dhe tubime.
Forcat e shumta të policisë janë vendosur në mbrojtje të institucioneve të rëndësisë së veçantë dhe institucioneve shtetërore si Kryeministria dhe Ministria e Brendshme.
Pasditen e sotme situata është dukur krejt e qetë në kryeqytet dhe mësohet se nuk ka patur asnjë grumbullim apo tubim.
Ndërkohë nëpër rrugët kryesore shihet edhe gatishmëria e policisë, civilëve dhe një autoboti i cili ndodhet te rruga e Ministrisë së Brendshme dhe është në gatishmëri për çdo rast. Gjitashtu është bllokuar nga policia edhe shëtitorja “Murat Toptani”./Gazetareforma.com/
