Sot në mesditë, Tirana u trondit nga një ngjarje tragjike, ku një 14-vjeçar u vra pas goditjes me thikë nga një bashkëmoshatar.
Një dëshmitare okulare tregoi se kishte parë njërin prej të rinjve të shtrirë përtokë, duke vërejtur se askush nuk ndërhyri për ta ndihmuar.
Sipas gruas së moshuar, i mituri u transportua me një makinë të kuqe, që i ngjante një taksie, pasi ambulanca nuk mbërriti në vendin e ngjarjes.
“S’pashë gjë. Ai (i mituri) ishte shtrirë aty. Pashë vetëm një djalë aty. Tani që e pashë në televizor. Atë (të miturin) që pashë unë ishte shtrirë. Ambulanca nuk erdhi menjëherë. Erdhi një makinë e kuqe që e mori djalin. Kush do të ndërhyjë në këtë rast? Kush ndërhyn do shkojë në polici të rrijë atje. I ndihmoi një grua”, tha dëshmitarja.
