Zgjedhjet presidenciale në SHBA duket se po futen në një spirale të rrezikshme, ku më shumë se sa përcaktimi i kandidatit fitues, po diskutohet kontestimi i procesit.
Diferenca e votave mes Donald Trump dhe Joe Biden u ngushta në një prej shteteve kyçe, pikërisht në Pensilvani.
Por ndërkohë, repulikanët kanë hedhur akuza për votat me postë, të cilat po dalin në shumicë pro demokratëve.
Në Filadelfia të Pensilvanisë, ka mbërritur djali i Trump, Eric dhe avokati personal i presidentit, Rudy Giuliani. Ata pretendojnë se Trump ka fituar në këtë shtet.
“Ata po manipulojnë, ata po përpiqen që të vjedhin”,- tha Eric Trump. Kurse Giuliani shpërtheu ndaj votave postare.
“A mendoni se jemi budallenj? Demokratët mendojnë se ju jeni budallenj”,- tha ai.
“Ne do i fitojmë këto zgjedhje. Në fakt i kemi fituar”,- tha ai.
Sipas tij, votat me postë mund të kenë ardhur nga Marsi ose nga Kanadaja. Ai tha se një person i vetëm mund të dërgojë deri në 100 mijë vota.
“Nuk e dimë kush i ka firmosur, nuk e dimë si janë postuar. Nuk e dimë nëse është një person i vetëm që ka dërguar 100 mijë vota”,- tha ai.
“Nëse duan të fitojnë kështu, ne nuk do i lejojmë”.
/GazetaReforma.com/
