Juristi Eugen Papandile ka paraqitur një ankesë të dytë në Gjykatën e Apelit Administrativ, pas skualifikimit për herë të dytë nga Këshilli i Emërimeve në Drejtësi. Mësohet se Papandile ka depozituar padinë ndaj KED-it pasi deklaroi se ishte skualifikuar padrejtësisht nga gara si anëtar në Gjykatën Kushtetuese. Kujtojmë se herën e parë, pas skualifikimit, Apeli Administrativ vendosi që ta rikthente sërish në garë Papandilen, ndërsa KED e skualifikoi sërish.
Eugen Papandiles ka mbajtur më herët në Gjykatën Kushtetuese postin e Sekretarit të Përgjithshëm, ndërsa tani kërkon që të jetë anëtar-gjyqtar.
Eugen Papandile, kandidat i propozuar për një vend si anëtar në Gjykatën Kushtetuese, ishte rikthyer në garë. Pa një vendimi nga Gjykata Administrative e Apelit.
Më herët, Këshilli i Emërimeve në Drejtësi skualifikoi nga gara Eugen Papandilen dhe i lejoi kandidimin anëtares tjetër, Sonila Bejtja. I pastër në të gjitha kriteret dhe në përmbushje të të gjitha kushteve, KED e skualifikoi Papandilen me pretendimin se nuk kishte vitet e punës.
Eugen Papandile ankimoi vendimin, sipas rregullit 5 ditë pas vendimit të KED, dhe Gjykata e Apelit Administrativ ka vendosur që ai të rikthehet në detyrë. Ai pretendonte se i kishte vitet e punës por gjatë verifikimit KED i kishte llogaritur 4 muaj më pak.
