Skip to content
Kronikë

U gjet i dekompozuar në një kanal, identifikohet viktima

· 1 min lexim

Mbrëmjen e sotme është identifikuar kufoma e dekompozuar e një burri, i cili u gjet në një kanal të hedhur në fshatin Mujalli të Fierit. Ai është qytetari me inicialet S.P., 70 vjeç. I ndjeri vuante nga skleroza dhe ishte larguar nga banesa që prej datës 28 tetor. I biri kallëzoi në polici zhdukjen e tij që prej kësaj date.

Sipas informacioneve të policisë, S.P. banonte në lagjen “15 tetorit” të Fierit. Policia shton se në trupin e të ndjerit nuk janë gjetur shenja dhune.

Pasditen e sotme, trupi i 70-vjeçarit S.P. u gjet i dekompozuar dhe i hedhur në një kanal në fshatin Mujalli të Fierit. Identifikimi i tij u bë pas disa orësh.

NJOFTIMI I POLICISË

U bë identifikimi i shtetasit i cili u gjet i dekompozuar në një kanal në fshatin Mujalli, shtetasi S. P., 70 vjeç, banues në lagjen “15 Tetori” Fier, për të cilin djali i tij ka bërë kallëzim në Polici në datë 28.10.2021 se i ati (i cili vuan nga sëmundja e sklerozës) është larguar nga banesa dhe nuk është kthyer më.

Gjatë këqyrjes paraprake nga eksperti mjeko-ligjor, në trupin e shtetasit S. P. nuk janë konstatuar shenja dhune.

Materialet do i kalojnë Prokurorisë së Rrethit Gjyqësor Fier, për vlerësim.

Read next

Na Kontaktoni

Të dhënat tuaja do të mbahen konfidenciale dhe të sigurta.

Madhësia maksimale: 10MB. Lloje të lejuara: JPEG, JPG, PNG, GIF, PDF, TXT, DOC, DOCX