Gjatë një interviste në emisionin Task Force në Syri TV, gazetari Julian Hoxhaj komentoi mbi hetimin e nisur nga SPAK për aferën e tunelit të Llogarasë.
Ai theksoi se skandali u denoncua fillimisht nga Partia Demokratike, duke e cilësuar këtë projekt si një nga rastet më të qarta të zhdukjes së tenderave.
Sipas Hoxhajt, një nga detajet më alarmante lidhet me kompaninë që fitoi kontratën, me vetëm 10 mijë lekë kapital, kjo firmë arriti të përfitojë një shumë marramendëse prej 190 milionë eurosh, me miratim të drejtpërdrejtë nga kryeministri Edi Rama.
“Ka një problem, sepse tuneli i Llogarsë ka një denoncim publik dhe një denoncim zyrtar nga Gazmet Bardhi. Që nga ajo kohë dhe deri më sot ne nuk kemi të dhëna se çfarë ka ndodhur me hetimet. Është regjistuar denoncimi për tunelin dhe kompaninë që fitoi tenderin per tunelin e Llogarasë dhe jo për supervizorin. Kompania në fjalë për të cilën ka dal informacioni sot është kompani e lidhur me Ervis Berberin, pra kompani ortake me kompanin e Valter Begaj. Këto dy kompani fitojnë një tender prej 2 mln eurosh për të mbikqyr punimet e tunelit të Llogarsë. Tuneli i Llogarsë është një ndër aferata më të pastra përsa i përket zhdukjes së tenderave ditën me diell me një të rënë lapsit. Kjo vërtetohet shumë lehtë me një nga bilancat e kompanisë Intercar ASL, pra bashkimi i dy kompanive turke që fituan tenderin për herë të dytë.
Ahmetaj e denoncoi skandalin e Llogarasë dhe të dhënat në atë kohë nuk u bënë publike. Mediat që janë pranë qeverisë e kanë shpalosur si informacion, por nuk nxorri të dhëna. Deri këtu në kemi të bëjmë me shkeljen e barazisë në tendera. Është bërë një tender pa garë dhe i është dhënë kompanisë që takoi kryeministri. Pra dy kompanitë turke me vetëm 10 miijë lekë të vjetra as biletat e avionit nuk i paguanin dot për të ardhur në Shqipëri për të nën shkruar kontrat, pra imagjinoni me 10 mijë lekë të vjetra mori 190 milion euro. Kjo është foto që tregon se kompania turke që morën tenderin kanë marrë në 24 janar të këtij viti edhe pagesën e fundit prej rreth 4,6 mln nga qeveria shqiptare për tunelin e Llogarasë.” – tha Hoxhaj.
