Anija shqiptare “Oriku”, ka shpëtuar mbrëmjen e djeshme 111 emigrantë.
Këto të fundit ishin me origjinë siriane, irakene dhe palestineze.
Në total, “Oriku zhvilloi tre operacione të ndryshme në harkun e pak orëve.
Lajmin e ka bërë të ditur ministrja e Mbrojtjes, Olta Xhaçka nëpërmjet një postimi në rrjetet sociale.
Mësohet se emigrantët udhëtonin në dy gomone dhe një skaf.
Pas operacionit të shpëtimit, emigrantët iu dorëzuan rojes bregdetare turke.
“Natë intensive për anijen shqiptare Oriku dhe ekuipazhin e saj me mision në detin Egje.
111 emigrantë sirianë, irakenë e palestinezë u shpëtuan në 3 operacione të ndryshme brenda pak orësh, gjatë mbrëmjes së djeshme në ujërat mes Turqisë dhe Greqisë.
Emigrantët të cilët lundronin në 2 gomone dhe 1 skaf, iu dorëzuan Rojës Bregdetare turke”, ka shkruar Xhaçka.
Kjo nuk është herë e parë që anija shqiptare “Oriku” shpëton emigrantë të huaj.
Shumë prej këtyre të fundit në përpjekje për t’u larguar nga vendet e tyre, janë mbytur në detin mesdhe.
