Skip to content
Bota

Tragjedia, Bullgaria do të paguajë 13 mln euro për të afërmit e viktimave

· 2 min lexim

Pas aksidentit tragjik në Bullgari në autostradën e Strumës ku humbën jetën 45 persona, Bullgariaa do të duhet të paguajë një dëmshpërblim për të afërmit e viktimave.  Mediat e huaja shkruajnë se Bullgaria do të paguajë 13 milionë euro për familjarët e viktimave të aksidentit.

Nëse vërtetohet se gabimet në rrugë janë shkaku i vdekjes së 45 personave, Bullgaria do të duhet të paguajë 125.000 euro dëmshpërblim për një viktimë të aksidentit në autostradën e Strumës.

Faji për incidentin është kompleks, si me shoferin e autobusit ashtu edhe me infrastrukturën në zonën e aksidentit”,- është shprehur  avokati bullgar  Nikolaj Dimitrov.

Sipas tij, shoferi në këndvështrimin e parë nuk i ka respektuar kushtet e rrugës në të cilat ka pasur shikueshmëri të zvogëluar, por nga ana tjetër mund të vërtetohet se fajin e kanë kushtet e rrugës, infrastruktura dhe mirëmbajtja e saj.

Rasti është i komplikuar sepse numri i të vdekurve është i madh dhe kufijtë e sigurimit të përgjegjësisë civile në autobus në Maqedoninë e Veriut janë të kufizuara dhe nuk do të mund të mbulojnë të gjitha kërkesat e paditësve.” -tha avokati Dimitrov.

Nga 100.000 deri në 125.000 euro mund të kërkojë secili prej prindërve nëse fëmija i tyre ka vdekur në aksident. Shërbimi Rrugor shpesh dënohet për mosmirëmbajtje të seksioneve dhe ndërtim të dobët të rrugëve, tregon praktika gjyqësore. Çështjet civile mund të zgjasin rreth një vit e gjysmë, dhe çështjet penale zgjasin më shumë. Sipas informacioneve fillestare, disa firma të mëdha ligjore bullgare kanë ofruar tashmë ndihmë për qeverinë maqedonase në mbrojtjen e interesave të të afërmve përpara një gjykate bullgare.

Read next

Na Kontaktoni

Të dhënat tuaja do të mbahen konfidenciale dhe të sigurta.

Madhësia maksimale: 10MB. Lloje të lejuara: JPEG, JPG, PNG, GIF, PDF, TXT, DOC, DOCX