Tensionet në veri, kane qenë kryefjala e diskutimeve ditën e sotme ne Kuvendin e Kosovës.
. Kryeministri i Kosovës, Albin Kurti ka komentuar situatën në Veri, ku tha se shkak për tensionet janë bërë bandat e Beogradit.
Kurti deklaroi se Kosova ka respektuar ligjin dhe ka vepruar në përputhje me Kushtetutën, ku citoi “Unë nuk mund ti mbyll sytë kur grupet kriminale kërcënojnë rendin e republikës”. Më tej ai tha se Lista Serbe jo vetëm që nuk ka qenë prezentë në ndërtesa por qëllimi i tyre i vetëm është që Kosova t’i braktisë gjithashtu.
Pjesë nga fjalimi i Kurtit në Kuvend:
Më 20 prill presidenti i Serbisë bëri thirrje që nuk do marrin serbët në zgjedhje, Lista Serbe thotë se do t’i bojkotojnë. Aleksandar Jabllanoviq u tërhoq nga gara, po të mos dorëhiqej do të ishte kryetar i Leposaviqit.
Zgjedhjet u mbajtën asnjë incident. Erden Atiq e bën betimin asnjë incident. Tre kryetarët bëjnë betimin, asnjë incident. Kur shkojnë në punë, serbët e pengojnë shkuarjen atje.
Duhet të them se përcjellja e kryetarëve me masa të sigurisë është vlerësim i institucioneve, mendoj që kanë vlerësuar drejtë. Në ditët në vijim u pa që u vlerësuar drejtë. Po të mos ishte ashtu do të kishim kryetarë të komunave që do të goditeshin nga protestuesit.
Po e them këtë që të shumtë janë ata, që praninë e policisë e kanë quajtur hyrje me forcë në ndërtesë. Nuk ka nevojë, sepse nuk është me forcë është e Republikës së Kosovës, është zyra e tij. Nuk ka pasur arsye që të hyhet me forcë në ndërtesë, për ata që e shohin sekondin kur hyn në komunë, shihet nga personat e rrethuar.
Lista Serbe i ka braktisur institucionet në veri, kjo braktisje është pasuar me braktisje të procesit zgjedhor, pastaj me protesta, ata i kanë braktisë ndërtesat e dinë që nuk të tyre, por në momentin që hyn kryetari po shkaktojnë pengesa, ata i kanë braktisë. Unë kam pasur hall që kur të vjen puna me hy kryetari në komunë, se çka do të bëjnë serbët që janë në addministratë, por ata i kanë braktisë. Po natyrisht që shkon kryetari.
Fakti që ka pasur pengesë, prezenca e policisë ka qenë e justifikuar. Dhe nëse e vëreni diskutimin që ka me protestuesit, thotë se kemi nevojë për korridor për qasje, kur nuk krijohet mundësia normalisht që na duhet qasje.
Një aset të braktisur prej tyre që shtiren se zgjedhjet ishin ilegale.
Kemi datën 29 maj, të hënën e kësaj jave, ku një pjesë e madhe e bandave kriminale ishin në tubimin e Vuçiç. Plani ishte i organizuar dhe kishte autor dhe ishte Beogradi. Që paralajmëronte eskalim nëse kryetarët shkojnë atje ose policia nuk tërhiqej, kështu u mobilizua Beogradi.
Duhej të mbështeteshin kryetarët e rinj, ajo që mungonte është deklarata se në përputhje me procesin që të mos pengohet puna e kryetarëve deri në zgjedhjet tjera.
Ne kemi vepruar në përputhje me interesat Kushtetusese, kjo tregon që ka pasur konsultim por edhe bashkërendim me ndërkombëtarët.
Pasuria e objekteve publike të Kosovës është se ndërtesat janë të Republikës së Kosovës e ato janë të qytetarëve.
Jam i vetëdijshëm që shumë qytetarë serbë për shkak të presionit të Beogradit shumë prej tyre sëhërbejnë si mburojë për grupet kriminale.
