Tensione në Parlament, Dogjani përplaset me Gardën

Tensione në Parlament gjatë seancës plenare, ku deputeti demokrat Asllan Dogjani ka bllokuar foltoren pas refuzimit të fjalës për procedurë.

Dogjani ka shtyrë punonjësit e Gardës dhe ka përdorur gjuhë të ashpër, duke i quajtur “rrugaçë”.

Kryetarja e Kuvendit, Elisa Spiropali, kërkoi që Dogjani të lirojë foltoren, duke e paralajmëruar:
“Për çfarë e zë foltoren, zoti Dogjani? Po provokoni një sallë të tërë. Keni kohë 30 sekonda, po nuk qe procedurë, do mbyllet.”

Pasi mori fjalën, Dogjani tha:
“Janë 300 pensionistë nga Kukësi, Hasi e Tropoja që marrin vetëm 3300 lekë në muaj.”

Por Spiropali e ndërpreu, duke theksuar se nuk ishte një çështje procedure. Pas kësaj, Dogjani u largua nga foltorja, duke mbyllur incidentin.