Studentët kanë protestuar për 17 ditë me rradhë përpara Ministrisë së Arsimit, Kuvendit dhe Kryeministrisë për plotësimin e 9 kërkesave nga kryeministri Edi Rama!
Nga data 4 deri me 21 dhjetor, ata kërkuan nga kryeministri një arsim më cilësor si dhe kushte më të mira në konvikte dhe salla të Universiteteve. Edhe përse protesta u ndërpre për të vijuar sërish në janar, një grup studentësh ka zgjedhur të protestojë ditën e sotme për një qëllim të veçantë.
Kreativiteti i të rinjve duke kërkuar të drejtat e tyre përmes memeve u kthye në kryefjalë nga të gjithë. Ata mbanin në duar pankarta vërtetë të goditura, me mesazhe të forta dhe me pak ironi e humor përgjatë të gjitha ditëve të protestës.
Ditën e sotme, të rinjtë kanë vendosur të mbajnë në shkallët e Kryeministrisë një ekspozitë me memet më të bukura të protestës për t’i sjellë edhe njëherë në vëmendje. Ekspozita është hapur në orën 10:00 të mëngjesit të sotëm dhe do të vazhdojë deri në orën 16:00.
Burimi: Iconstyle.al
