Prokurorët e SPAK deklaruan se situata ligjore e Belinda Ballukut është rënduar dhe se, me akuzat e reja të ngritura ndaj saj, ajo rrezikon deri në 35 vite burg. Kjo u bë e ditur gjatë mbledhjes së Këshillit të Mandateve, ku po diskutohet imuniteti i zv.kryeministres, takim që po zhvillohet me dyer të mbyllura.
Sipas përfaqësuesve të Prokurorisë së Posaçme, në fazën fillestare të hetimeve Balluku përballej me një rrezik dënimi deri në 10 vite burg. Megjithatë, ata theksuan se zhvillimet e fundit kanë rënduar pozicionin e saj juridik.
“Në masat e para të kërkuara znj. Balluku rrezikonte deri në 10 vite burg; sot që flasim situata e saj është rënduar, dhe me akuzat e prokurorisë në këtë moment znj. Balluku rrezikon deri në 35 vite burg”, kanë deklaruar Prokurorët e SPAK.
Mbledhja e Këshillit të Mandateve vijon pa praninë e mediave, ndërsa pritet që në përfundim të saj të ketë një vendimmarrje lidhur me kërkesën për imunitetin e zv.kryeministres.
