Presidenti i Shqipërisë, Ilir Meta i është drejtuar me 11 pyetje SPAK dhe kryeministrit Edi Rama, lidhur me bazën e të dhënave të patronazhistëve të Partisë Socialiste. Sipas Metës, kryeministri Edi Rama i ka vendosur spiunë nga pas qytetarëve për të hyrë deri tek jeta intime. Meta thotë se ka arritur deri në shantazhe për mbështetësit e Partisë Demokratike dhe ata të Lëvizjes Socialiste për Integrim, duke i detyruar që të pranojnë se do votojnë për PS-në. Presidenti Meta i ka bërë thirrje SPAK që të nisë urgjentisht verifikimet , duke nisur nga kryeministri në detyrë Edi Rama deri tek drejtuesit e Agjencisë Kombëtare të Shoqërisë së Informacionit
”Çdo shqiptar i ndershëm do jetë në krye të detyrës, çdolloj detyre, mbrojtja e votës. Mbrojtja e votës është vetëmbrojtja e atdheut. Tani pyetjet shtesë për SPAK, për ta ndihmuar
- Kur u krijua kjo bazë të dhënash, ku rruhet, kur u popullua me të dhëna në PS?
- A janë këto të dhëna të njëjta me të dhënat e qytetareve që ia kanë dorëzuar shtetit në El-Albania
- A kemi harxhuar ne si shteti milion euro për tendera, për bazën e të dhënave, dhe ruajtjen e tyre në mënyrë të pacenuar? Ndërkohë që vijojmë të harxhojmë për këto sisteme, mirëmbajtjen e tyre?
- Të më dëgjojnë tani të gjithë sipërmarrësit, muajin e fundit qytetarët që ushtrojnë aktivitete bizensi, janë detyruar pranë QKB dhe KASH, të dorëzojnë të dhënat. Lindin Pyetjet
Cilat janë tashmë garancitë që i ofrohen këtyre qytetarëve, në kushtet e administrimit të të dhënave?Garancitë që i ofrohen qytetarëve e sipërmarrësve, në kushtet e rrjedhjes së të dhënave.
5.Unë personalisht, Ilir Meta, President, nuk kam deklaruar ndonjëherë, apo dorëzuar askund, për administrimin e të dhënave, për qëllime të mbledhjes së këtyre të dhënave dhe përllogaritjes së PS.
Kur e keni kryer për Presidentin, çfarë u keni bërë qytetarëve me të dhënat?
- Ndaj dua të pyes, ty Rama, si kryeministër, me çtë drejtë i ke marrë të dhënat, nga ID, atësia, mëmësia, datëlindja, vetëlindja, kodi i banesës, nr. telefoni, vetëpunësim. Me çfarë guximi keni vendosur epitete, qëllime, synime, mbi 910 mijë qytetarëve.
- Me ç’të drejtë i ke vendosur nga një spiun, për t’iu futur në jetën personale, për t’i zbuluar çfarë dëshirash e hallesh, deri tek jeta intime, për t’i shantazhuar ata. Për t’i dhunuar ata. Që ose mos shkojnë të votojnë nëse janë përkrahës të PD apo LSI, sepse përndryshe do kenë hata të madhe. Ose të japin garanci se do votojnë për Rilindjen.
8.Si diskriminon nga përkatësia etnike, raca, fetare, apo filozofike, gjendja ekonomike, arsimore ose përkatësia prindërore. Duke vendosur epitete e të dhëna skandaloze.9.Kush do mbajë përgjegjësi nëse përdoren nga mafia kombëtare e ndërkombëtare. Ju dhashë prova si u bë në Maqedoni, u pranua nga autoritetet, me qytetarë në Bashkinë e Korçës e Pustecit, madje dhe nga Dibra, e mund të ketë ndodhur në shumë Bashki.
10.A e mendon ti se me këtë që ke bërë i ke hapur derën krimit kibernetikë dhe vjedhjes së idneteteve.
- A mendon se duke nxjerrë të dhënat e njerëzve të drejtësisë, janë të ngarkuar me ruajtjen e sigurisë, i ke nxjerrë lakuriq, si në plazhet e botës, përballë krimit të organizuar, vendas e ndërkombëtar, dhe vendeve joarmiqësore sidomos tani në prag të zgjedhjeve.
I kërkoj SPAK të nisë urgjentisht verifikimet, duke nisur nga kryeministri në detyrë Rama, dhe drejtuesit të Agjencisë Kombëtare të Shoqërisë së Informacionit.”- tha Meta.
