Mbrëmjen e sotme, Guvernatori i Bankës së Shqipërisë Gent Sekjo ishte i ftuar në ‘Open’, ku foli rreth situatës ekonomike të vendit pas goditjes nga COVID-19, si edhe skenareve të mundshme të së ardhmes.
Sejko tha se të gjitha bankat e nivelit të dytë kanë pranuar marrëveshjen që ai dhe kryeministri Rama firmosën disa ditë më parë, për qytetarët dhe bizneset në nevojë.
“Nëpërmjet një marrëveshjeje që kemi bërë me qeverinë, bankat e kanë marrë seriozisht këtë proces dhe po punojnë me qytetarët. Unë jam në kontakt të vazhdueshëm ditor me drejtuesit e bankave dhe normalisht ky veprim i ndihmon dhe vetë bankat. Se nëse ata nuk do jenë në vështirësi, nuk do paguajnë këstet e kredisë, por do të ketë vështirësi në portofolin e bankës”, u shpreh Sejko në një intervistë për Eni Vasilin.
Më tej, Guvernatori tha se të gjitha bankat janë treguar bashkëpunuese dhe po operojnë me shtyrjen e kësteve të kredisë dhe të vetmet që kanë bërë oponecë janë institucionet jo-financiare.
“Të gjitha bankat po operojnë dhe po shtyjnë këstet e kredive. Oponenca e vetme ka të bëj me institucionet financiare, jo banka, që e kanë sistuatën e likuiditetit shumë të lidhur me këstet e kredive. Këto institucione nuk kanë depozita, se bankat kanë depozita. Klientët e tyre ankohen dhe kanë të drejtë të ankohen. Marrëveshja jonë lidhet dhe me keto institucione financiare jo banka” u shpreh Guvernatori i Bankës së Shqipërisë Gent Sejko.
Sekjo tha se Banka e Shqipërisë e ka likujditetin e nevojshmë për të përballuar situatën në të cilën ndodhet vendi, dhe nuk ka nevojë që të shtypë para.
“Nuk jemi në situatën që të kemi nevojë të shtypim para. Ne kemi likujditet. Kjo nuk do të thotë që të shtypet likujditet pa masë dhe pa kontroll. Kjo do të shkaktonte inflacion dhe do të zhvlerësonte vlerën e likujditetit, parasë. Ne kemi likujditetin e nevojshëm dhe nuk kemi nevojë të shtypim para. Sa më shpejt të bjerë numri i rasteve të infektuara, aq më shpejt do të nisë dhe rimëkembja e ekonomisë. Ekonomia shqiptare patjetër që do ndryshojë si të gjitha ekonomitë. Do të ketë një goditje negative. SHBA, Britania dhe Kina kanë parashikuar një recesion negativ. E rëndësishtme është si do ta menazxhojmë ne krizën dhe të ringrihemi në kohën e duhur”.
