Ndërsa mbrëmja e shkuar është mbyllur me vrasje dhe lajme të tilla po shohim thuajse çdo ditë, kryeministri i vendit del në deklarata paradoksale. Në një deklaratë për mediat ditën e sotme ai ka thënë se shqiptarët ndihen të sigurt në vendin e tyre dhe i besojnë policisë. Madje ka shtuar se sulme fizike apo vjedhje, që në disa raste kanë përfunduar në tragjedi, ndodhin kudo në botë.
“Problemi i sigurisë është bërë një problem gjithmonë e më i madh, sidomos në qytetet më të mëdha. Vetëm 4 % e qytetarëve kanë qenë viktima të vjedhjes apo sulmit fizik në 5 vitet e fundit. Kjo shifër është më e ulët, pozitivisht se mesatarja e BE-së që është 9% dhe është në normën e vendeve më të sigurta në BE”, u shpreh kryeministri.
Këto fjalë ai i bazoi në raportin që ka publikuar Policia e Shtetit. Sipas anketimit 65 % e të anketuarve vlerësojnë punën e policisë të mirë ose të shumë mirë, 82 % e të anketuarve ndihen të sigurt në qytetin ku ata jetojnë. Në 12 vite perceptimi i qytetarëve për korrupsion në radhët e policisë është ulur me 21%.
Por në fakt raport që janë nxjerrë nga ndërkombëtarët në vitet e fundit tregojnë të kundërtën, shqiptarët nuk ndihen të sigurt as për pronë, edhe ekonominë, e jo më për jetën e tyre. Sipas një raporti të publikuar nga Galllup në vitin 2023 Shqipëria vlerësohet me 80 pikë në botë për sigurinë, sipas Indeksit të Ligjit dhe Rendit. Sa më i lartë rezultati, aq më e lartë është përqindja e popullsisë që raporton se ndihet e sigurt. Ky rezultat ka ardhur ën rritje ën raport me vitet e mëparshme, cak do të thotë se pasiguria në vend po rritet. Ndërsa në vitin 2024 rezultoi se shqiptarët renditeshin të fundit në rajon për sigurinë që ndjenin në lidhje me pronën, ekonominë dhe shëndetin.
