Ditën e sotme Shkëlzen Berisha ka reaguar për herë të parë pasi disa prej mediave publikuan një foto të tijën krah Dorian Duçkës, i cili në dosjen e ish-agjentit të FBI-së, Charles McGonigal, identifikohet si Personi B. Në një postim në Facebook, djali i kryedemokratit Sali Berisha shkruan se duke qenë se udhëton me avion linje, me Duçkën është takuar rastësisht, si në një urban publik. Ai shton se ideja për të shkrepur një ‘selfie’ ka qenë e Duçkës, kërkesë që ka ardhur pa asnjë arsye në veçanti, por njësoj si nga shumë persona të tjerë, të njohur ose jo. Qëllimeve për ta lidhur me dosjen e McGonigal që është vënë nën akuzë për korrupsion, Berisha u përgjigjet me argumentin se në fakt ish-agjenti i FBI dhe kryeministri Ed iRama nuk po akuzohen se ka shkrepur foto bashkë. Ai shton se Rama në këmbim të qindra mijëra dollarëve e ka përdorur drejtorin e kundërzbulimit të FBI-së si një instrument kundër Opozitës.
Postimi:
Nje sqarim i shkurter per nje “argument” qesharak dhe bajat. Te zene me presh ne dore ne nje histori korruptive me permasa nderkombetare qe ka zene prej ditesh titujt e mediave me te medha te botes, Rama dhe Duçkat e kesaj afere kane zgjedhur te pergjigjen ne menyren me qesharake duke postuar foto. Ne te vertete Rama dhe Duçkat ne SHBA nuk po hetohen per foto por sepse ne bashkepunim kane korruptuar me fusha nafte dhe qindra mijera dollare, drejtorin e kunderzbulimit te FBI per ta perdorur si instrument kunder opozites dhe pluralizmit politik ne Shqiperi! Ne fakt keto foto sherbejne per ta, si certifikate miqesie apo pastertie, shume me pak nga sa do sherbenin le te themi, fotot e Sajmir Tahirit me Barack Obamen ne zyren ovale. Sidoqofte per te sqaruar opinionin me duhet te theksoj se, ne ndryshim nga Rama dhe sekseret e tij, une nuk udhetoj ne avion privat dhe per rrjedhoje ne nje avion linje, njelloj si ne nje urban publik, udhetaret dhe vendet e tyre nuk i zgjedh dot une. Qellimi i udhetimit tim te bere para disa vjetesh, nuk ka pasur asgje te perbashket me sekserin e Rames pervec ulëses afer ne avion dhe insistimit te tij per te bere nje selfie, si shume te tjera, qe me kerkohen nga njerez te njohur dhe te panjohur. Uroj dhe shpresoj qe kur te pyeten nga hetuesit e FBI, Rama dhe Duçkat te kene argumente me bindes per “pafajesine” e tyre. Suksese!
