Së fundmi është krijuar një peticion online, që paralajmëron kërcënimin e paqes së rajonit nga Beogradi.
Peticionit i janë bashkuar dhjetëra zyrtarë dhe ish-zyrtarë të mirënjohur, akademikë dhe figura të kulturës në Ballkan.
Në mesin e 120 nënshkruesve të “Apelit kundër Kërcënimeve të Beogradit ndaj paqes në Malin e Zi dhe rajon”, gjenden ish-presidentë të Kroacisë dhe Sllovenisë, ish-liderë jugosllavë, tre ligjvënës serbë dhe dhjetë gazetarë.
Sonja Biserko, nënshkruese e apelit të 30 dhjetorit dhe themeluese e Komitetit të Helsinkit për të Drejtat e Njeriut në Serbi, për Shërbimin e Ballkanit të Radios Evropa e Lirë, ka deklaruar: “Ne kemi parë nevojën e rikujtimit të vetës për disa gjëra që kanë ndodhur në vitet 1990 dhe të theksojmë se ato janë duke ndodhur edhe tani sipas një skenari të ngjashëm”, duke iu referuar gjakderdhjes që ka rezultuar me shpërbërje të Jugosllavisë.
Këto shqetësime vijnë pasi Kisha Ortodokse serbe në Malin e Zi ka kundërshtuar ligjin e miratuar për liritë fetare.
Ky ligj, jo vetëm që ka shkaktuar debate të shumta , por edhe përballje të ashpër fizike në Parlamentin e Serbisë, ku ligjvënësit kanë thënë se qeveria serbe është duke bërë shumë pak për të mbrojtur Kishën Ortodokse Serbe në Malin e Zi.
Ndonëse në 2006 Mali i Zi fitoi pavarësinë nga Ish-Jugosllavia, Serbia vijon të ketë pozicion udhëheqës në kishat ortodokse në Mal të Zi.
