Rrëzohet nga shkallët e anijes, humb jetën 22-vjeçari

Një 22-vjeçar, pjesëtar i ekuipazhit të një anijeje, humbi jetën si pasojë e rrëzimit aksidental nga shkallët e mjetit lundrues të quajtur ‘Ema’, me flamurin e Tanzanisë.

Ngjarja ka ndodhur mesditën e sotme në Porto Romano.

Burime nga vendngjarja bëjnë me dije se viktima është me origjinë indiane.

Durrës/Informacion paraprak

Rreth orës 12:00, në Porto Romano, dyshohet se është rrëzuar aksidentalisht nga shkallët e një anijeje, shtetasi Y. B., 22 vjeç, pjesëtar i ekuipazhit, i cili si pasojë ka humbur jetën.

Grupi hetimor po punon për zbardhjen e rrethanave të rastit.