Pas mbledhjes së kryesisë së PS, kryeministri Edi Rama iu është përgjigjur interesit të gazetarëve.
Shefi i qeverisë përsëriti edhe njëherë thirrjen për dialog për opozitën jashtë parlamentit.
Sipas tij, PD ka dëmtuar veten e vet me djegien e mandateve dhe nuk e bërë më të mirë jetën politike të vendit.
Rama tha se është i gatshëm të ulët në tryezë me opozitën, por nuk mund të presë derisa të zgjodhen nga gjumi.
Më tej ai shtoi, se reformat po ecin, edhe pse PD nuk është në Kuvendt, ndërsa përmendi disa nga risitë e vitit të ardhshëm.
Kreu i qeverisë shtoi, se brenda 2020, nuk do të ketë më sportele, por të gjitha shërbimet do të jenë online.
Kjo do t’i japë fund sipas Ramës edhe çështjes së pronave.
“Tani unë mendoj që vendi nuk ka vakum. Nuk ka vakum për arsye sepse Kuvendi funksionon, procesi legjislativ ecën. Reformat po i çojmë përpara. Me prioritetet tona do i japim shtysë të re kësaj faze të dytë të mandatit. Kjo do të ketë shtysë në aspektin e luftës kundër krimit të organizuar dhe korrupsionit. Për të përfunduar një proces të çështjes së pronave. Në janar njerëzit nuk do të duhet të shkojnë nëpër sportele. Brenda 2020 të gjitha shërbimet do të jenë në fazën e shërbimeve online. Do ishte mirë që PD të ishte në parlament. Por ka marrë vendimin e vet të ikë. Është vendim që tregon se ka dëmtuar rëndë vet PD-së dhe padyshim se ka bërë më të mirë jetën politike të vendit. Por nuk është se e ka cënuar në pikën e mosfunksionimit. Mund të funksionin gjërat më mirë, por gjithmonë nuk ka diskutim që ne jemi të gatshëm të ulemi në tryezë. Të dëgjojmë, të mbajmë shënim. Të reflektojmë kur shohim që ka ide. Ne jemi të votuar dhe të dënuar që të udhëheqim. Nuk jemi këtu që të presim që dikush të zgjohet nga gjumi dhe të shtriqet. Të gjitha idetë respektive të çdo force politike janë legjitime. Por duhet të implementohet rekomandimet e OSBE/OHDIR. Kemi qenë të hapur që të dëgjojmë versionet e çdo pale për mënyrën se si dëgjojmë. Por në zgjedhjet e ardhshme kemi komisionin larg politikës. Votat si proces do t’u besohen njerëzve që nuk kanë asnjë lloj detyrimi dhe zelli të posaçëm në raport me njerëzit që shkelin ligjin”, tha Rama.
