Kryeministri Edi Rama, në një intervistë për media në fund të vitit, komentoi situatën e kryebashkiakut Erion Veliaj, duke deklaruar se ai është linçuar mediatikisht dhe se publikimi i disa fakteve ka cenuar jetën e tij private dhe ka shkaktuar kërcënime ndaj familjes.
Ish-zëvendëskryeministri Arben Ahmetaj reagoi duke theksuar se ndërsa Rama flet për kërcënimet ndaj familjes së Veliajt, fëmija i tij është kërcënuar tri herë.
“Dakord ore dakord, po kë do ky që të ndëshkohet, kë s’do ky, nuk zbaton as vendimin e Gjykatës Kushtetuese, as nuk lejon hetime.
Del thotë për Erionin, për Erionin thotë i cenuan jetën private, familjen, ndërsa tek unë, 40 ditë ‘Top Channel’ përmes Fugës dhe të këtij, 40 ditë thoshin deri gjëra të 1997. E di Ben Malaj që unë kam lënë leshtë për të ngritur tatimet. Ndërsa për Erionin thotë i hynë te familja, ore ti kreu i organizatës, në shtëpinë time gjetën gjoja vibrator, dolën informacione 5 minuta pasi kishin hyrë në shtëpi, ça the ti?
Ti the po të isha unë gjyqtar… ti je gjyqtar, prokuror, autokrat, të gjitha je ti. Po bravo të qoftë, edhe një gjë tjetër, ti je në pushtet sot 28 vite, je më afatgjati. Dhe në fund të 28 viteve legasia jote do jetë krimi i organizuar. Mos përziej socialistët me këta. Ti për herë të parë është bërë në Shqipëri sindikatë krimi.
Për Erion Veliajn thotë iu prek familja. Fëmija im është kërcënuar tri herë. Është kërcënuar fëmija im ore të dashur shqiptarë, e kam me fakt, punonte si dado, e kishte marrë Erjola, pas shumë investigimeve të mia është kapur duke çuar informacione dhe foto të familjes sime dhe me deklaratë noteriale thotë, na futi fëmijën në rrezik, dhe me deklaratë noteriale thotë, kam deklaratën këtu, filania që punon pranë Emerald SPAK Tiranë dhe disa punonjëse të tjera që punojnë atje më është kërkuar të marr informacion për ju dhe për familjen tuaj. Dhe ku shkon fëmija juaj. Kjo është në 20.10.2022, kur kreu i organizatës kërcënoi indirekt përmes SPAK-ut.
Dhe që atëherë unë nuk isha pjesë e Fierit dhe Elbasanit duhej të më gjenin… pra nëna ime nuk është nëna, është lopa, nëna e Erionit është tjetër”, tha Ahmetaj.
