Policia ka vijuar me kontrollet për zbatimin e karantinimit të detyruar për shtetasit të ardhur nga jashtë Shqipërisë.
Si rezultat janë ndëshkuar me 700 mijë lekë gjobë shtetasit Sh. P., 51 vjeç, banues në Fushë Krujë, O. H., 28 vjeç, dhe A. B., 41 vjeç, të dy banues në Borizanë.
Të tre këta shtetas, janë punonjës në një fasoneri në Krujë dhe u është thënë të vetëkarantinohen, por nuk janë gjetur në banesë nga policia.
Po në Krujë, janë gjobitur 5 administratorë lokalesh, të cilët vijonin aktivitetin në kundërshtim me ligjin.
Njoftimi i policisë
Krujë
Ndëshkohen me masë administrative 700.000 lekë, për shkelje të vetëkarantinimit të detyrueshëm, 3 shtetas të cilët nuk u gjetën në banesë gjatë kontrollit.
Po gjatë kontrolleve ndëshkohen me masë administrative 5 administratorë lokalesh, për hapje të lokaleve në kundërshtim me Aktin Normativ.
Gjithashtu vihet në pranga një drejtues mjeti, për qarkullim pa autorizim dhe në gjendje të dehur.
Në vijim të angazhimit maksimal për monitorimin e zbatimit të masave, me qëllim parandalimin e përhapjes së COVID-19, strukturat e Policisë së Komisariatit të Policisë Krujë, gjatë ditës së djeshme kanë vazhduar kontrollet për personat të cilët duhet të zbatonin urdhrin për vetëkarantinim.
Në kuadër të Aktit Normativ neni 3, pika 4/c, janë vendosur masat administrative për shtetasit:
-Sh. P., 51 vjeç, banues në Fushë Krujë;
-O. H., 28 vjeç, banues në Borizanë;
-A. B., 41 vjeç, banues në Borizanë;
Këtyre shtetasve, punonjës në një fasoneri në Krujë, e cila është mbyllur me datë 15.04.2020, iu është thënë të vetëkarantinohen, por ata janë konstatuar nga shërbimet e Policisë jashtë banesës së tyre dhe janë ndëshkuar me masë administrative 700.000 lekë.
Gjithashtu nga kontrollet e ushtruara në Krujë, shërbimet e Policisë kanë konstatuar 5 subjekte (lokale) të hapura, ndaj të cilëve është marrë masë administrative sipas Aktit Normativ, neni 3, pika 7.
—
Nga specialistët e Qarkullimit Rrugor në Drejtorinë Vendore Durrës është arrestuar në flagrancë shtetasi B. Z., 31 vjeç, banues në Durrës, pasi u konstatua nga shërbimet e Policisë në lagjen nr. 8, Durrës, duke lëvizur me mjetin tip “Volkswagen” pa autorizimin përkatës dhe në gjendje të dehur, në masën 0.84 mg/l.
Kruja është kthyer në një vatër infeksioni për shkak të fasonerive.
Në njërën prej tyre, janë regjistruar mbi 30 punonjës të prekur nga COVID-19.
Ndërsa në total, Kruja numëron 23 të prekur nga koronavirusi.
