Protesta, në disa pika të Tiranës/ Policia shpërqendrohet dhe nervozohet. Ja si i tërheq zvarrë protestuesit…

Kaosi në kryeqytet dhe protestuesit e shpërndarë në disa pika dhe para disa institucioneve, ka bërë që policia e shtetit të humbasë kontrollin në qendër të Tiranës.

Policia dhe forcat e FNSH-së edhe pse kanë shtuar radhët tek Kryeministria për mbrojtjen e godinës, përsëri situata është jashtë kontrollit.

Turmat e protestuesve janë vendosur në disa pika, si ministritë në qendër, tek rruga e Kavajës, pas Bankës së Shqipërisë dhe i janë drejtuar zonës së Bllokut.

Para Kryeministrisë shihen forca të shumta policie, duke marrë masat për çdo eventualitet të mundshëm. Protestuesit kanë nisur të mblidhen në Bulevard, duke u afruar tek Kryeministria.

Ndërkohë një tjetër rast dhune ndaj protestuesve është kapur në qendër ku efektivët e policisë kanë tërhequr zvarrë protestuesit.

Ngjarja e rëndë ka ndodhur tek Ministria e Brendshme, aty ku qytetarët janë mbledhur dhe kërkojnë drejtësi për Klodian Rashën, të riun që u vra nga efektivi.

Siç shihet edhe në fotot e mëposhtme, policia nuk ka treguar mëshirë për qytetarët.

/GazetaReforma.com/