Një avion mallrash është rrëzuar në Aeroportin Ndërkombëtar “Nënë Tereza”. Mësohet se për pasojë, janë pezulluar nisjet dhe mbërritjen nga Rinasi. Po ashtu, mësohet se është dëmtuar edhe pista e Rinasit.
Nga rrëzimi i avionit nuk ka pasur të lënduar, ndërsa dyshohet se bëhet fjalë për një defekt në rrota. Në pamjet e siguruara nga vendi i ngjarjes mund të shihet se aeroplani është rrëzuar në mes të pistës ndërsa kjo e fundit është dëmtuar nga impakti.
Si pasojë e këtij incidenti janë pezulluar nisjet dhe mbërritjet nga Rinasi.
Njoftim nga Aeroporti Ndërkombëtar i Tiranës
Aeroporti Ndërkombëtar i Tiranës njofton se në orën 16:15 të datës 28 Shtator 2021, një avion i vogël model Beechcraft me regjistrim zviceran HB-EFH, me 4 persona në bord, dy të rritur dhe dy fëmijë, të gjithë shtetas zviceranë, bëri ulje të detyruar në mes të pistës pasi pësoi një avari në sistemin e rrotave. Pasagjerëve u dha ndihma e parë menjëherë. Fatmirësisht nuk ka asnjë të lënduar dhe të katërt gëzojnë shëndet të plotë.
Pas lajmërimit të Organit Kombëtar të Investigimit të Incidenteve Ajrore dhe kryerjes së investigimit në zonën e pistës, avioni u zhvendos nga pista, si pasojë, operimet në Aeroportin Ndërkombëtar të Tiranës, u pezulluan për 1 orë e 45 minuta.
Fluturimet rifilluan.
TIA mbetet në dispozicion të çdo pasagjeri dhe falenderon të gjithë udhëtarët për bashkëpunimin dhe mirëkuptimin.
