Edi Rama po fliste për mediat jashtë Parlamentit ditën e sotme, por interesante ishte bërtitja e një zonje qe dëgjohej nga jashtë rrethimit.
Në media, dëgjohej zëri i gruas që bërtiste: “O hajdut, Rama ik! Rama ik! Hajdut!”
Thirrjet vazhduan për disa sekonda, por kryeministri dhe gazetarët nuk u dhanë rëndësi. Ndërkohë, mësohet se shtetasja është Violeta Gecaj, që pretendon se është shoqëruar në ambientet e komisariatit 1.
Ndërkohë, teksa fliste për FaxNews, ajo u shpreh se është dhunuar nga Policia.
“Janë jashtë çdo lloj rregulli jashtë çdo lloj profesionalizmi. I kam unë shenjat në trup dhe hematomat që më kanë bërë policët e shtetit. Unë protestova për hallet e mia ekonomike, jemi të papunë, jemi të pastrehë, kam qeranë pa paguar dhe mund të më nxjerrë pronari jashtë. Kam një fëmijë të aksidentuar të cilin më duhet ta operojë. Kam shkrujt në portalin e bashkëqeverisjes, kam shku te zyra e punës, por askush nuk më jep zgjidhje. Pse duhet të shoqërohesh dhe të dhunohesh kur po flet dhe proteston për hallet e tua ekonomike. Në komisariatin numër 1 nuk më marrin dëshminë për dhunën që kanë ushtruar policët e shtetit. Pse unë thashë Rama ik më kanë marrë dhe më kanë tërhequr zvarrë, gjithë Tirana e ka parë këtë”.- tha Gecaj.
/GazetaReforma.com/
