Nardi Idrizi, një 39-vjeçar shqiptar nga Vlora, është dënuar me 32 vjet burg nga Gjykata e Athinës për plagosjen me armë zjarri të tre të rinjve nga Kreta në dhjetor 2023, në Gazi.
Ngjarja ndodhi pas një keqkuptimi të parëndësishëm, kur Nardi Idrizi ka qëlliar me arme zjarr ndaj dy vëllezërve dhe shokut të tyre nga Malia, duke i goditur në kokë dhe pas shpine. Fatmirësisht, të tre viktimat shpëtuan nga një tragjedi.
Idrizi ishte në kërkim deri pak para nisjes së gjykimit, dhe dorëzimi i tij u bë pas dëmshpërblimit financiar ndaj viktimave.
Dy nga të plagosurit nuk mundën të merrnin pjesë në gjykim për arsye shëndetësore. Gjyqi vendosi një dënim të kombinuar prej 32 vjetësh burg, nga të cilat 20 vjet duhet të vuajë Idrizi.
Ngjarja ndodhi kur dy vëllezër nga Kreta, së bashku me shokun e tyre, kishin ardhur në Athinë për të festuar.
Ata debatuan me pasagjerët e një fuoristrade dhe pas një përleshjeje, një nga pasagjerët hapi zjarr. Pas ngjarjes, Nardi Idrizi u shpall në kërkim, ndërsa shoku i tij, Emiljano Jakupi, u arrestua. Jakupi kishte precedentë penalë dhe ishte i lidhur me një vrasje të mëparshme në Athinë.
Nardi Idrizi, i njohur edhe me emrin Fatbardh Idrizi, ka një histori të gjatë kriminale dhe është dënuar më herët për vepra të rënda, përfshirë vrasje, vjedhje dhe mbajtje armësh.
Në 2013, ai mori një dënim prej 13 vjetësh burg për krime të ndryshme, dhe gjatë vitit 2022 u zbulua se kishte përfituar ulje të paligjshme dënimi në burgun e Fierit.
Në vitin 2024, ai u shpall sërish në kërkim për pjesëmarrje në një grup që merrej me vjedhje.
Po ashtu, vëllai i tij, Joni Idrizi, u arrestua në Greqi në shkurt 2024 për thyerje të masës së sigurisë dhe ka pasur dënime për krime të ngjashme në Shqipëri.
