Kryeministri Edi Rama priti sot në kryeministri, presidentin e Këshillit të Europës, Donald Tusk.
Shefi i qeverisë e dekoroi presidentin e KiE me medalje e “Yllit të Madh të Mirënjohjes”.
Më tej ai u shpreh se Tusk ka qenë një avokat i procesit të zgjerimit të Shqipërisë dhe Maqedonisë së Veriut, shkruan “Faxweb”.
Ndërkohë Tusk nga ana e tij u shpreh se medalja më e madhe do të jetë hapja e negociatave.
Ndër të tjera ai tha se BE duhet të çelë negociatat dhe Shqipëria duhet të trajtohet me respekt.
Sipas tij, anëtarësimi i Shqipërisë dhe i gjithë rajonit në BE, është në interes të gjithë unionit.
”Medalja më e madhe do të jetë çelja e negociatave. Sot një vit më pas mund të them se në saj të përpjekjeve tuaja jemi më afër këtij objektivi. Në qershor krerët e shteteve u angazhuan për të dhënë një vendim të qartë për çeljen e negociatave. Unë kam qenë i mendimit se BE duhet të çelë negociatat. Vendi juaj duhet të trajtohet me të njëjtin respekt. Në takimin e sotëm ne diskutuam edhe rëndësinë që ka lufta kundër korrupsionit dhe me sundimin e ligjit. Përndryshe projekti europian nuk do të qendronte dot në themele të forta. Antarësimi i Shqipërisë dhe Rajonit në BE është një interes të gjithë unionit. Kjo do të thotë se askush nuk po i bën askujt ndonjë nder.”- tha Tusk.
