Është përfshirë nga flakët mbrëmjen e sotme një automjet i llojit “Audi”, i cili më pas është djegur plotësisht.
Mësohet se ngjarja ka ndodhur rreth orës 21:45 në lagjen “Apollonia” në qytetin e Fierit dhe makina ishte në pronësi të shtetasit me iniciale R.M banues në Fier.Automjeti tip “Audi” ishte parkuar në një rrugicë në lagje dhe gjatë shpërthimit të zjarrit janë dëmtuar edhe 2 makina të tjera pjesërisht.
Fatimirësisht nuk ka patur të lënduar nga flakët, ndërkohë që policia ka shkuar në vendin e ngjarjes dhe po punon për zbardhjen e plotë të rrethanave të ngjarjes.
Njoftimi i plotë i policisë
Sot rreth orës 21:45, në lagjen “Apollonia”, Fier, në ecje e sipër ka marë flakë mjeti tip “Audi”, në lidhje pronësi të shtetasit R. M., banues në Fier.
Gjatë momentit të rënies së zjarrit, drejtuesi ka ndaluar mjetin në vend ku kanë qën të parkuara edhe 2 mjete të tjera të cilat si pasojë e përhapjes së zjarrit kanë marë flakë dhe janë djegur pjesërisht. Paraprakisht dyshohet se zjarri ka ardhur ai pasojë e një difekti në mjetin tip “Audi”.
Në vendngjarje ndodhen forcat e policisë dhe shërbimi zjarrfikës të cilët bën të mundur shuarjen e zjarrit. Po punohet për përcaktimin e shkaqeve të rënies së zjarrit.
