Pensionistët do të marrin edhe 50 mijë lekë (të vjetra) si shpërblim për këtë vit. Qeveria ka marrë sot vendimin për shumën me të cilën do të shpërblehen pensionistët për festat e fund vitit.
Lajmin e ka bërë të ditur kryeministri Edi Rama, i cili tha se fondi për pensionistët kap shifrën e 34 milionë dollarëve.
“Pavarësisht pengesave ne do të vendosim 34 mln dollarë tani për pensionistët. Nuk do heqim asnjë qindarkë nga ajo që kishim planifikuar të jepnim”,- u shpreh Edi Rama.
Një ditë më parë presidenti Meta shkroi në Tëitter se “Buxheti 2021 nuk planifikon, as indeksim dhe as rritje të pagës për administratën publike, përveç arsimtarëve dhe punonjësve të shëndetësisë. Buxheti 2021 nuk planifikon rritje reale të pensioneve, por vetëm indeksim të tyre në masën 2.5%”
/GazetaReforma.com/
