Bilanci nga Covid-19 vijon të thellohet dhe deri tani në rang botëror janë 2,107,450 të infektuar dhe 136,990 viktima.
Përpjekje të shumta bëhen çdo ditë nga grupe shkencëtarësh për krijimin e vaksinës, e cila në rastin më të mirë do jetë gati vitin e ardhshëm.
Po ashtu, studimet kanë treguar se temperatuarat e larta nuk mund ta zhdukin Covid-19, ashtu sikurse ndodhi edhe me SARS, teksa studiues të shumtë janë të bindur se virusi do rikthehet në vjeshtë.
Temperaturat e larta nuk e zhdukin virusin, por ulin transmetueshmërinë
Përse Covid-19 nuk po zhduket si SARS? Ja çfarë thotë eksperti pranë ISHP-së
Nga ana tjetër edhe OBSH duket se nuk është shumë e qartë se si do vijojë situata, teksa kohët e fundit ka dhënë dy deklarata që kanë zbehur shpresat se virusi do largohet shpejt, duke thënë se askush se di sa do zgjasë dhe se ritmi i pandemisë së koronavirusit do të bjerë shumë herë më avash nga sa mund të mendojmë ne.
OBSH: Mbajtja e maskës do kthehet në normë, nuk e dimë kur koronavirusi do të zhduket
OBSH jep një tjetër lajm të keq dhe këshillon shtetet: “Kujdes me lehtësimin e masave”
Në këto kushte epidemiologu Dritan Ulqinaku ka shuar të gjitha shpresat se Covid-19 do të zhduket me kalimin e muajve, duke thënë se duhet të përgatitemi të bashkëjetojmë për vite me rradhë me këtë virus.
“Unë e kam shprehur edhe më përpara, ne na ka dalë frika nga ky virus dhe nëse vazhdon ky ndërgjegjësim me mos përqafimi, mos shtrëngimi i duarve dhe mbajtja e distancës është fare normale, por duhet të përgatitemi që me këtë virus të bashkëjetojmë për shumë vite.Nuk ka asnjë shenjë që ky virus po del nga qarkullimi, kështu që nëse i referohemi virusit të SARS-it që pas 6 muajsh doli nga qarkullimi dhe kurba e tij filloi një rënie të dukshme që pas muajit të tretë nuk ekziston i njeti fenomen me COVID-19 dhe pas tre muajve nga rastet e para, kurba është në rritje eksponenciale fatkeqësisht në këto momente që ne flasim“, u shpreh epidemiologu në një lidhje me Skype për emisionin “Vizioni i pasdites”.
Ulqinaku shtoi gjithashtu se deri në 30 raste në ditë janë normale dhe të menaxhueshmë aq sa të mos krijojë kolaps në sistemin shëndetësor.
“Lufta do të jetë e gjatë, ne shpresojmë që të mos kemi një valë të dytë vazhdojmë ta menaxhojmë dhe padiskutim do kemi ulje dhe ngritje të vogla. Janë të pritshme nga 0 deri në 20 apo 30 raste në ditë janë të pritshme që mund të vazhdojnë për një kohë shumë të gjatë”.
