Ish-zëvendëskryeministri Arben Ahmetaj iu përgjigj drejtpërdrejt analistit Baton Haxhiu gjatë një lidhjeje telefonike në emisionin e Çim Pekës në SYRI TV, duke kundërshtuar deklaratat e tij se Ahmetaj ishte pyetur nga SPAK para shkarkimit nga kryeministri Edi Rama.
Ahmetaj akuzoi Haxhiun se po gënjen për shkak të miqësisë me Ramën, duke theksuar se nuk ishte marrë në pyetje nga askush deri në qershor të vitit 2023.
Ai shtoi se shkarkimi i tij ndodhi në të njëjtën ditë që Ilir Meta largohej nga posti i Presidentit, duke e cilësuar këtë si një lëvizje simbolike të Ramës për ta përdorur si një “kokë turku”.
Ahmetaj akuzoi kryeministrin se kishte përdorur median, duke përmendur konkretisht Top Channel, për ta sulmuar.
Sipas tij, kjo ndodhi pasi Rama kuptoi se Ahmetaj nuk ishte i përfshirë në dosjet e Fierit dhe Elbasanit, të cilat po shkonin në gjykatë.
Gjatë debatit, Ahmetaj i tha hapur Baton Haxhiut: “Ti je paguar nga inceneratorët.”
Pjesë nga debati:
Ahmetaj: Batoni po ta ketë mik vërtetë Ramën, ai do i ketë thënë që fatkeqësisht Ahemtaj nuk ka qënë pjesë e inceneratorit të Elbasanit dhe të Fierit.
Haxhiu: Herën e fundit nuk ke qënë tërësisht i sinqertë…Nuk kam ndërmend të flas më shumë seç duhet…mbylle këtë histori…
Ahmetaj: Lëri këto se ti pa Ramën ngelesh pa bukë…
Haxhiu: Nuk e pranoj unë këtë që ngelem pa bukë…
Ahmetaj: Unë para Ramës kam qënë me bukë dhe tani më la Rama pa bukë se më bllokoi ato që kisha me djersë… Ti je paguar nga inceneratorët..
Haxhiu: Mos gënje se nuk jam paguar nga inceneratorët…
Ahmetaj: Të lutem mos më hap barkun…
Haxhiu: Mos gënje se nuk kam marrë lekë nga ineceneratorët…
Ahmetaj: Mua nuk më ka pyetur asnjë njeri deri ditën e qershor i 2023. E dyta gjërat ndodhën në mënyrë simbolike dhe ditën që ka ikur Ilir Meta, më ka shkarkuar dhe i dridhej dora dhe zëri kreut të organizatës se donte të më bënte simbolikë, iku Meta iku dhe ky që i ka dhënë dosjen.
Kur mori vesh që unë nuk isha i akuzuar qoftë në dosjen e Fierit dhe të Elbasanit që po shkonim në gjykatë, futi mercenarët median Top-Channel me plaçkitësen dhe Erionin…dhe bëri atë që bëri. Jo! I ka bërë të gjitha të qëllimshme. Nuk ka kryeministër në botën demokratike që të thotë që po të isha unë gjykatës dhe prokurorë do ta kishte më keq. Ditën pas disa orësh SPAK e ka marrë peng Eriolën dhe e ka çuar për kontroll, e ka marrë peng pa leje. Të lutem kur të zësh emrin tim në gojë mos gënje. Mbroe Ramën se ashtu e ke punën…
Çfarë disktoni për reformën në drejtësi. Praktikisht Shqipërisë i është shëmtuar surrati nga korruptimi i kryekundërzbuluesit të FBI të Nju Jorkut.
