Nuk do na kishte shkuar kurrë në mendje! Kapen 20 celularë në burgun e Fierit, ja si ishin fshehur (foto)

Në burgun e Fierit janë sekuestruar rreth 20 celularë të markave të ndryshme të cilët u tentuan të futeshin brenda ambienteve të burgut të fshehura nëpërmjet portave të mini-futbollit.

Kapja e telefonave celularë u arrit nga punonjësit e sigurisë të burgut të Fierit të cilët gjatë kontrollit të imtësishëm, arritën të zbulonin se brenda portave të mini futbollit ishin fshehur telefona celularë.

Drejtoria e Përgjithshme e Burgjeve njofton se materialet i kanë kaluar prokurorisë për hetime të mëtejshme.

Vijojnë hetimet për identifikimin dhe kapjen e personave përgjegjës për ngjarjen.