Gjykata e Korçës ka lënë në arrest me burg ish-mësuesin Bledar Duro, të shkollës 9-vjeçare “Sotir Gura”, i cili ra në pranga pas denoncimit se ka ngacmuar seksualisht dy nxënëset e tij të mitura në WhatsApp.
14-vjeçaret u shprehën se merrnin mesazhe në “WhatsApp” nga mësuesi, për më tepër se 1 muaj.
Të miturat bashkë me prindërit i janë drejtuar komisariatit të policisë së Korçës për të denoncuar rastin e rëndë dhe si provë kanë lënë telefonat e tyre me mesazhet e mësuesit.
Ndërkohë, Kristi Koçibelli, avokati i Bledar Duro,ka paraqitur më shumë se 6 prova, përfshirë vërtetime nga Spitali i Traumës në Tiranë dhe Spitali i Korçës, për shtrimet e tij dhe trajtimin mjekësor që ka marrë.
Ai ka theksuar se shkelja e vetme e Duro është një kundërvajtje administrative për komunikimin me nxënësit, dhe se ky komunikim në rrjetet sociale nuk përbën vepër penale.
Avokati e mbrojti klientin, duke argumentuar se ai ka qenë një mësues i respektuar për 25 vjet dhe ka pasur një ndikim pozitiv te nxënësit. Ai kërkoi një masë më të butë për Duro, duke theksuar se ai nuk konsumonte alkool gjatë orarit të mësimit, por vetëm pas shkollës.
Shtrimi i parë ka qenë në 2014 dhe i fundit në maj të këtij viti. Disa ditë para se të arrestohej ka qenë në komunikim me mjeket dhe vazhdonte kurimin, u shpreh ai.
