Ndalimi i fluturimeve me Poloninë, TIA tregon kategoritë që mund të lëvizin drejt këtij vendi

Pas lajmit se në aeroportin e Varshavës, Poloni u bllokuan disa shqiptarë që prisnin të largoheshin, aeroporti i Rinasit ka dhënë sqarime për të gjithë kategoritë e qytetarëve shqiptarë që do të lejohen të udhëtojnë drejt Polonisë.

Në njoftim thuhet se drejt Polonisë mund të udhëtojnë personat e martuar apo që kanë fëmijë në këtë shtet. Gjithashtu mund të udhëtojnë personat që kanë kartë polake ose leje qëndrimi të përhershme apo leje pune, studentë dhe drejtues të misioneve diplomatike.

NJOFTIMI: 

Në vëmendje të pasagjerëve që kanë prenotuar bileta për në Poloni Pas njoftimit për ndalimin e qytetarëve shqiptarë drejt territorit të këtij vendi, Lot Airlines ka dërguar listën e rregullave për qytetarët/rezidentët të cilët do të mund të udhëtojnë drejt shtetit polak:

1.Persona që janë të martuar ose janë fëmijë të një qytetari në Republikën e Polonisë, ose janë në kujdes të vazhdueshëm të një qytetari në këtë vend;

2. Persona që kanë Kartën Polake (Karta Polaka) dhe persona të huaj të cilët kanë leje qëndrimi të përhershme ose të përkohshme brenda territorit të vendit.

4. Drejtues të misioneve diplomatike brenda shtetit polak
5. Persona që janë studentë në Republikën e Polonisë, të cilët duhet të pajisen me një dokument që e vërteton këtë gjë, e më pas do t’i dorëzohet Policisë Kufitare.