Mori aprovimin nga Senati, Yuri Kim është zyrtarisht ambasadore e SHBA në Shqipëri

Yuri Kim do të jetë zyrtarisht amabasadorja e re e SHBA-vë në Shqipëri.

Senati amerikan ka zyrtarizuar kandidaturën e saj, si ambasadore e SHBA në Tiranë.

Më herët më 21 nëntor, Kim mori miratimin nga Komisioni i Jashtëm i Senatit Amerikan.

Diplomatja u propozua nga presidenti Donald Trump në qershor të këtij viti.

Yuri Kim ka lindur në Korenë e Jugut dhe është rritur në ishullin e Guamit.

Ajo ka një karrierë të pasur diplomatike.

Kim ka shërbyer në DASH, si Drejtoreshë e Zyrës për Çështjet e Evropës Jugore.

Disa nga postet që ka mbajtur ajo janë:

Drejtoreshë e Qendrës së Departamentit të Shtetit për Studimin e Diplomacisë

Shefe e Stafit për Zëvendëssekretarin e Shtetit dhe Drejtore e Zyrës për Sigurinë Evropiane dhe Çështjeve Politiko-Ushtarake.

Asistente Speciale e Ndihmës Sekretarit të Shtetit për Çështjet e Azisë Lindore dhe Paqësorit dhe anëtare e delegacionit të Shteteve të Bashkuara në bisedimet gjashtëpalëshe për t’i dhënë fund programit bërthamor të Koresë së Veriut.

Këshilltare Politike në Ambasadën e Shteteve të Bashkuara në Bagdad dhe në Ankara.