Kuvendi i Kosovës ka miratuar projektligjin për ndarjet buxhetore për vitin 2025, me një shumicë të qartë votash: 59 pro, 0 kundër dhe 2 abstenime.
Projektbuxheti, ka një vlerë prej 3.6 miliardë eurosh, dhe paraqet një rritje prej 9% krahasuar me buxhetin e vitit 2024 (3.3 miliardë euro).
Sipas këtij projektbuxheti, parashikohet që ekonomia e Kosovës të rritet me 4.5% gjatë vitit aktual, dhe me 5.6% gjatë vitit 2025.
Ndërkohë, opozita nuk mori pjesë në votim, duke shprehur kundërshtim për projektbuxhetin, të cilin e konsiderojnë si jo zhvillimor.
Përfundimisht, projektbuxheti do të kalojë për shqyrtim të dytë dhe, nëse është e nevojshme, edhe për një shqyrtim të tretë, me synimin për të marrë miratimin përfundimtar deri në fund të vitit 2024.
