Rritja e madhe e rasteve me koronavirus, ka bërë që guvernatori i rajonit të Campanias, Vicenzo De Luca të marrë vendimin për ta mbyllur rajonin për 40 ditë, si një masë për parandalimin e përhapjes së infeksionit.
Mirëpo ky vendim nuk është pritur mirë nga qytetarët napoletanë, të cilët kanë dalë në sheshet e qytetit duke protestuar në mënyrë të dhunshme dhe janë përleshur me policinë.
Në videon që po qarkullon në rrjetet sociale shihet se si napolitanët godasin me sende të forta drejt efektivëve të policisë, ndërsa në përleshje janë përfshirë aksidentalisht edhe qytetarë të tjerë që nuk Italia merrnin pjesë në protestë.
Ndërkohë kujtojmë se Italia ka regjistruar 19,143 raste të reja me koronavirus në 24 orët e fundit, duke shënuar kështu shifrën më të lartë me të infektuar që nga shpërthimi i pandemisë në vend. Sakaq në 24 orët e fundit janë regjistruar dhe 91 të vdekur të rinj./GazetaReforma.com/
