Masakroi për vdekje me thikë kunatën, arrestohet autori i krimit që tronditi Paskuqanin

Policia e Tiranës ka arrestuar autorin e krimit të rëndë, që tronditi Paskuqanin mbrëmjen e djeshme.

Sipas policisë, Erdet Çapoku u kap në zonën e Laprakës.

Ky i fundit, masakroi për vdekje kunatën e tij, Elida Çapoku, duke e goditur me shkop dhe më pas e çau me thikë në fytyrë.

Midis viktimës dhe autorit kishte konflikte të mëparshme, që pasi kunati ishte larguar nga shtëpia.

Çapoku nuk ia falte kunatës faktin që e kishte nxjerrë nga shtëpia dhe e përndiqte gjatë gjithë kohës, duke i bërë edhe fotografi.

Fotot më pas ai ia dërgonte të vëllait, i cili ndodhet në burg për drogë.

Nisur nga kjo situatë, viktima e kishte denoncuar kunatin për përndjekje, ndërsa kishte marrë edhe urdhër-mbrojtje.

Çapoku e kishte kërcënuar bashkëshorten e vëllait se do ta vriste nëse nuk tërhiqte denoncimin.

Duke qenë se kjo e fundit nuk pranoi të bëntë një gjë të tillë, kunati i hyri me dhunë në shtëpi dhe e masakroi në sy të vajzës.