Kompanitë farmaceutike globale po prodhojnë dhe po testojnë njëra pas tjetrës vaksinat e tyre, që do të bëjnë të mundur frenimin dhe më pas izolimin e pandemisë, por njerëzit përsëri kanë dilema.
Edhe pse disa kompani kanë kryer me suskes testimet e tyre në njerëz, problemi se sa do të kushtojë vakzina, apo se si duhet të konservohet, apo edhe efektet anësore, janë disa nga shqetësimet e popullatës globale që po përballet me Covidin.
Por gjigandi farmaceutik, “AstraZeneca” ka dhënë një lajm të mirë sot, në lidhje me vaksinën anti-Covid që ka krijuar.
Përfaqësues të kësaj kompanie kanë thënë se, vaksina anti-Covid që është 90% efektive, do të kushtojë vetëm 3 euro në treg. Gjithashtu ata janë shprehur se, vaksina mund të ruhet në frigoriferë normal në një temperaturë minus 2 gradë celsius.
Në lidhje me këtë avantazh, që ka vaksina anti-Covid ka reaguar edhe shkencëtarja kryesore e Organizatës Botërore të Shëndetësisë, Soumya Swaminathan.
Ajo, tha se, ky është një lajm shumë i mirë dhe se, kjo lehtëson shpërndarjen e vaksinës në shumë vende rurale. Më tej, ajo tha se, shpreson që të ketë sa më shumë vaksina të tilla.
“Kjo natyrisht ka përparësi të mëdha logjistike për transportimin dhe shpërndarjen e kësaj vaksine në qytete dhe fshatra dhe zona rurale në të gjithë botën. Dhe ne shpresojmë që të ketë më shumë vaksina të tilla, të cilat janë më të qëndrueshme në nxehtësi”,- tha Swaminathan.
Ndërkohë që para pak javësh, kompanitë më të mëdha farmaceutike në botë deklaruan se, kanë prodhuar disa vaksina anti-Covid me efikasitet të lartë.
Vaksinat anti-Covid që janë krijuar kanë efektshmëri nga 92% që është ajo ruse, ndërsa ajo e “BioNTech” dhe “Pfizer” kanë 95% efikasitet, vaksina e Moderna-s ka 94,5% efikasitet dhe ajo e “AstraZenca” ka 90% efikasitet.
/GazetaReforma.com/
