Gjykata Kushtetuese ka refuzuar kërkesën e kompanisë “Marina Bay Saranda” për të hequr sekuestron mbi bazën detare në Limion, Sarandë, duke siguruar që ajo do të qëndrojë nën sekuestro deri në përfundimin e hetimeve nga SPAK.
Kjo masë është vendosur që në shkurt 2023 nga GJKKO, pas një kërkese të SPAK, e cila argumentoi se privatizimi i bazës kishte rrezikuar funksionimin e forcave detare.
Kompania e kundërshtoi vendimin në Gjykatën e Posaçme të Apelit dhe më pas në Gjykatën e Lartë, më pas iu drejtua Gjykatës Kushtetuese. Megjithatë, edhe kjo e fundit vendosi të mos e pranojë kërkesën, duke lënë në fuqi sekuestron.
