Pa kujdesia që shkaktoni duke konsumuar ushqime çfarëdo bën që trupi juaj të marrë kilokalori të tepërta dhe për pasojë vjen shëndoshja. Një problem që i shtohet si mbipeshës ashtu dhe lëkurës tuaj është celuliti.
Ky i fundit ndodh atëherë kur indet në shtresën e lëkurës dobësohen dhe lejojnë formimin e depozitave dhjamore, shumë pranë sipërfaqes së lëkurës.
Celuliti tani është kryefjala e shumë trajtimeve estetike të stinës së verës, ndonëse beteja e vërtetë me këtë problem duhet kryer në tryezë.
Mbipesha është një faktor kontribuues në shfaqjen e celulitit, por kjo nuk do të thotë që njerëzit që kanë celulit, janë domosdoshmërisht mbi peshë.
Në këtë artikull, do të mësoni më shumë për llojet e ushqimeve që shkaktojnë celulit.
Karbohidratet e përpunuara
Inflamacioni është një problem që shtyn qelizat e yndyrës të zmadhohen e të përthithin lëngje dhe toksina. Një gjë e tillë përkeqëson qarkullimin ndërkohë që toksinat shpërbëjnë kolagjenin dhe elastinën që mundësojnë tonifikimin dhe butësinë e lëkurës.
Karbohidratet e rafinuara shkaktojnë jo vetëm inflamacion por edhe celulit. Në këtë kategori futen produktet si ëmbëlsirat, drithërat, pijet e gazuara, buka dhe makaronat.
Ushqimet e gatshme
Këto ushqime njihen për aftësinë e tyre në nxitjen e inflamacionit. Ato janë të mbushura me sheqerna, yndyrna dhe kripë. Këtu përfshihen: patatinat, ëmbëlsirat, pijet e gazuara, produktet e përpunuara të mishit e të tjerë.
Kripa
Kripa e detyron trupin të akumulojë lëngje në qelizat dhe indet yndyrore. Një gjë e tillë prish paraqitjen e jashtme të lëkurës. Ekspertët thonë se duhet të kemi kujdes me konsumin e kripës dhe mos ta teprojmë me të.
Shkaktarët më të mëdhenj të celulitit
Të dhënat ku bazohet, sqarojnë se përveç ushqyerjes, celuliti mund të shkaktohet edhe nga faktorë të tjerë.
Ai përkeqësohet me kalimin e moshës dhe ndikohet shumë nga hormonet.
Celuliti shfaqet më shumë gjatë pubertetit, shtatzënisë dhe pas menopauzës.
Në shumë raste, celuliti është i shkruar në gjene dhe në raste të tjera shkaktohet nga mungesa e aktivitetit fizik.
Disa trajtime natyrale për eliminimin e celulitit që mund t’i bëni në shtëpi
Konsumoni shumë ujë
Një ndër hapat e parë kundër luftës ndaj celulitit është pa dyshim uji.
Aleati më i madh i juaj kundër celulitit është uji sepse ndihmon në tharjen e dhjamit, duke eliminuar edhe toksinat në trup.
Ju mund të largoni celulitin duke konsumuar sa më shumë ujë, AgroËeb.org ju këshillon të konsumoni rreth 2 litra ujë në ditë.
Ujë me limon
Një mënyrë tjetër shumë e thjeshtë e shkrirjes së dhjamit të celulitit është edhe pija juaj e preferuar ujë më limon.
Kjo pije është mirë të konsumohet e ngrohtë herët në mëngjes apo në formën e çajit, gjithnjë duke zgjedhur përbërës natyral.
Çaji jeshil
Për të pasur një lëkurë perfektë dhe të lëmuar në pak kohë provoni edhe çajrat. Në veçanti çaji jeshil ndihmon në eliminimin e celulitit nga trupi.
Vitaminat
Çfarë të hani për të zhdukur celulitin? Ja një listë ushqimesh e vitaminash të cilat do të kujdesen për trupin tuaj. Së pari konsumoni shumë fruta si boronica, limon, portokall apo kivi.
Agrumet dhe vitamina C ju ndihmon në tretjen e shpejtë dhe stimulon shkrirjen e dhjamit. Konsumoni shumë mollë bashkë me lëkurën, pasi ndihmon në elemenimin e masës dhjamore dhe nxit formimin e muskujve. Ushqimet e pasura me Omega 3 janë një burim i mirë i eleminimit të ujit të tepërt që akumulohet nën lëkurë.
/GazetaReforma.com/
