Kryeministri italian dhe bashkëshortja e tij u vaksinuan me AstraZeneca ditën e sotme ndërsa shuëmvende janë duke u përpjekur të rikthejnë besimin te kjo vaskinë.
Mario Draghi dhe gruaja e tij, Maria Serenella Cappello, u vaksinuan në përputhje me procedurën e vendit, pasi që të dy janë në moshën 73 vjeç, njoftoi gazeta italiane La Repubblica.
Italia ishte një nga disa vendet evropiane që pezulloi përkohësisht përdorimin e AstraZeneca më parë këtë muaj për mundësinë e efekteve anësore.
Gjermania, Franca dhe Danimarka gjithashtu ndaluan përkohësisht përdorimin e vaksinës, të zhvilluar nga AstraZeneca dhe Universiteti i Oksfordit, gjatë hetimeve nëse ishte e lidhur me një rrezik më të lartë për mpiksjen e gjakut. Inokulimet rifilluan pasi rregullatori Evropian i Barnava rishikoi përsëri vaksinën dhe tha se ishte “e sigurt dhe efektive”.
Agjencia Evropiane e Barnave tha se vaksina nuk ishte e lidhur me një “rrezik të përgjithshëm” të mpiksjes së gjakut dhe ndërsa nuk përjashtonte lidhjet me kushte të rralla të mpiksjes së gjakut, dhe se përfitimet e vaksinës tejkalonin çdo rrezik.
Drejtori i përgjithshëm i autoritetit të ilaçeve në Itali, AIFA, e kishte quajtur “politik” vendimin për të pezulluar përdorimin e vaksinës dhe tha se vaksina ishte e sigurt.
Por hetimet e pezullimit të përkohshëm dhe mpiksjes së gjakut kontribuan në një besim tashmë të lëkundur ndaj vaksinës në Evropë që ka bërë që disa njerëz ta refuzojnë atë.
Udhëheqësit evropianë tani po përpiqen të rregullojnë dëmin dhe të shprehin besimin e tyre duke u vaksinuar.
Draghi njoftoi në një konferencë shtypi në 19 Mars se ai do të merrte vaksinën e AstraZeneca, sipas La Repubblica.
Italia ishte vendi i parë evropian që u prek rëndë nga koronavirusi vitin e kaluar dhe mbetet një nga vendet më të goditura nga pandemia.
