Gate Mahmutaj, kreu i grupit criminal të Lazaratit ka ndërruar jetë pasi vuante nga një sëmundje e rëndë. Ai ishte sapo ishte liruar me kusht për shkak të gjendjes së tij shëndetësore.
Gate Mahmutaj ishte dënuar me 18 vite burg dhe ndaj tij rëndonin akuzat mbajtjes pa leje të armëve luftarake dhe municionit, prodhim e shitje të lëndëve narkotike dhe kultivim të bimëve narkotike.
Gjatë vuajtjes së dënimit ai u prek nga një sëmundje e rëndë dhe u nxorr nga qelia për të kaluar ditët e fundit pranë familjes.
Gate Muhametaj u arrestua gjatë operacionit të RENEA-s në Lazarat në vitin 2014. Në momentin e arrestimit Mahmutaj ndodhej në një nga lokalet e fshatit dhe në momentin që forcat e policisë kanë hyrë aty, personat që ishin brenda në lokal kanë qëlluar me armë zjarri.
Përsonat që ishin në lokal dhe qëlluan ndaj policisë ishin Razip Mahmuti, Drini Aliko, Ali Rabi, Abaz Rabi, Altin Bejko, Kastriot Basha, Lorenc Basha, Sabri Shurdhi. Mahmutaj u vetëdorëzua në polici pas këtij episodi dhe u shoqërua menjëherë në Tiranë nga forcat speciale.
“Policia e Shtetit ka realizuar në datë 27.10.2004, rreth orës 21.15, një operacion të suksesshëm për kapjen e personave të dyshuar si autorë të goditjes me armë zjarri të helikopterit të misionit Interforcë, në 18.08.2004 në fshatin Lazarat të rrethit të Gjirokastrës. Në bazë të Ligjit Nr.8292, datë 25.02.1998, “Për Forcat Speciale” dhe Ligjit Nr. 8751, datë 26.03.2001, “Për disa shtesa dhe ndryshime të ligjit nr.8292”, si dhe në zbatim të Urdhrit të drejtorit të Përgjithshëm të Policisë së Shtetit, forcat speciale “Renea” kanë kryer një operacion në fshatin Lazarat për kapjen e shtetasit Razip Mahmutaj, i dyshuari kryesor si autor i goditjes së helikopterit të misionit Interforcë në datën 18.08.2004 si dhe i dënuar nga Gjykata e Apelit me 22 vjet heqje lirie”, thuhej në njoftimin e policisë për arrestimin e tij.
