Kapet me 40 pako kokainë në valixhe, në pranga shqiptari

Një 29-vjeçar shqiptar u arrestua në aeroportin Las Americas të Santo Domingos, në Republikën Domenikane, ndërsa po tentonte të udhëtonte drejt Madridit, Spanjë.

Gjatë kontrollit me rreze X dhe ndihmën e qenve të trajnuar, autoritetet zbuluan 40 pako kokainë të fshehura në dy valixhe.

Në bagazhin e parë ndodheshin 19 pako, ndërsa në të dytin 21.

Gjithashtu, iu sekuestruan 36,100 pesos domenikane dhe një telefon celular i tipit iPhone.

Hetimet e autoriteteve lokale po vazhdojnë për të identifikuar rrjetin dhe personat e tjerë të përfshirë në këtë rast të trafikut ndërkombëtar të drogës.

29-vjeçari u dorëzua në juridiksionin përkatës për procedurat e mëtejshme ligjore.