Ish- qeveria e ish- kryeministrit Gruevski duket se është duke kaluar në një moment të vështirë dhe kjo për shkak të dëmeve që i kanë shkaktuar Maqedonisë gjatë kohës që kanë qenë në pushtet.
Ditën e sotme është bërë e njohur masa e arrestit për ish- ministrin e Bujqësisë, Mihail Cvetkov dhe për zv. Ministrin Hristijan Delev, të cilët janë dënuar me 30 ditë paraburgim.
Për ish-ministrin tjetër të Bujqësisë Aco Spasenovski është caktuar masa e arrestit shtëpiak.
Dyshimet janë se këta zyrtarë kanë dëmtuar buxhetin e shtetit që ka kapur shifrën prej 1.4 milionë euro, gjithmonë në kohën kur qeverinë e drejtonte Nikolla Gruevskin.
Për të dyshuarin tjetër, ish-ministrin Lubço Dimovski, Gjykata do të vendosë javën e ardhshme nëse deputetët votojnë që të atij t’i hiqet imuniteti.
Sipas Prokurorisë, të dyshuarit kanë lidhur kontrata për qira të tokës bujqësore, por nuk i kanë shkëputur kontratat, edhe pse qiramarrësit nuk e kanë paguar kompensimin e qirasë.
Parregullsitë janë vërtetuar në 584 kontrata në lokacione të ndryshme ndërsa dëmi ndaj buxhetit vlerësohet në 1,4 milionë euro.
