Gentian Doda, u ekstradua nga Anglia 3 ditë më parë. Atij iu caktua masa e sigurisë “arrest me burg” në Gjykatën e Krimeve të Rënda.
Doda akuzohet për dy vrasje, por edhe për korruptimin me 30 euro të gjyqtarit të Apelit Tiranë, Shkëlqim Miri.
Disa ditë më parë edhe “Daily Mail” i kushtoi një artikull shqiptarit, ku tregonte edhe për rrezikshmërinë, por edhe si kishte siguruar shqiptari lejeqëndrimin në Angli.
Në artikull shkruhet se Doda ia kishte dalë që të hynte dy herë ilegalisht në Britani. Herën e parë ai u ndalua falë autoriteteve amerikane, të cilët e kuptuan falë gjurmëve të gishtave, pasi ai fluturoi drejt Los Angleles me pasaportë false.
Doda u deportua dhe pasaporta e tij u konfiskua, por katër vjet më vonë, shkruan “Daily Mail”, pasi i kishte dhënë ryshfet një gjykatësi në Shqipëri për ta liruar, ai ishte në gjendje të kthehej përsëri në Mbretërinë e Bashkuar, ku kishte qëndruar edhe për dy vite të tjera.
Emri i Dodës doli nga disa përgjime ku ishte i përfshirë gjqtari Shkëlqim Miri, i cili ishte paguar nga Gentiani për ta liruar nga burgu. Pagesën, Gentiani e kishte bërë nëpërmjet dy sekserëve, njëri nga ë cilët ishte edhe kushëriri i gjyqtarit Miri.
Ish- gjyqtari Miri kundrejt shumës 30.000 euro, ndryshoi veprën penale nga vrasje në plagosje për Gentian Dodën duke i dhënë lirinë.
Gentian Doda është shprehur në Prokurori se është i pafajshëm dhe se do të përballet me drejtësinë. Gjyqtari Sandër Simoni nuk ia pranoi kërkesën Dodës duke e lënë në burg.
Masa e sigurisë e dhënë në mungesë për të u ekzekutua një muaj më parë, kur ai u arrestua në Mbretërinë e Bashkuar.
Gjykata e Krimeve të Rënda dënoi me 2 vite e 6 muaj burg gjyqtarin e Apelit të Tiranës Shkëlqim Miri.
Gjyqtarit në momentin e arrestimit iu sekuestruan në banesë 34 milionë lekë, një pjesë e të cilave iu kthyen pasi ai i justifikoi me faktin që i kishte marrë nga të afërmit për t’u kuruar nga tumori.
Gentian Doda u arrestua në Londër më 6 Maj 2019. Ai pranoi të kthehej në Shqipëri për t’u përballur me akuzat e reja që rëndojnë mbi të.
