Humb jetën në galeri minatori 40 vjeçar

Minatori 40-vjeçar Sokol Toçi ka humbur jetën këtë të hënë në një nga galeritë e kromit në Bulqizë, pasi dyshohet se ka pësuar arrest kardiak.

Ai ishte rikthyer në punë pas pushimeve të fundvitit dhe ka ndërruar jetë brenda galerisë.

Toçi është transportuar në spitalin e Bulqizës, ku është konfirmuar vdekja e tij.

Ende nuk dihen rrethanat e plota të ngjarjes, përfshirë nëse vdekja ka ardhur nga shkaqe natyrale apo një aksident.