Kandidati i pavarur për deputet në qarkun e Dibrës, Elton Debreshi është gjobitur me 50 milionë lekë gjobë për shkak të tubimit që mbajti në 26 mars në pedonalen e Bulqizës në hapje të fushatës elektorale. Lajmin e ka bërë të ditur vetë minatori i cili shkruan se tubimi ka qenë i ligjshëm për shkak të vendimit të Gjykatës Kushtetuese dhe mosbotimit të rregullave të reja në fletoren zyrtare. Debreshi thotë se autori i vërtetë i kësaj gjobe është Edi Rama dhe se ai dhe partitë e tjera kanë frikë nga mbështetja që qytetarët e Dibrës po i japin. Kryetari i Sindikatës së Minatorëve të Bashkuar të Bulqizës shkruan se ai nuk frikësohet nga një gjobë dhe se ajo copë letër do të hyjë në historinë e turpit të kësaj qeverie.
Reagimi i Elton Debreshit:
50 MILIONE LEKE GJOBE
Sot komisariati i Bulqizes me njoftoi se jam gjobitur me 5,000,000 leke te reja per shkak te tubimit te dates 26 mars. Per shkak te vendimit te Gjykates Kushtetuese dhe mosbotimit te rregullave te reja ne fletoren zyrtare, takimi ne Bulqize ka qene krejt i ligjshem.
Autori i vertete i kesaj gjobe eshte Edi Rama. Ai dhe partite e tjera kane frike nga mbeshtetja e madhe qe po marrim ne cdo fshat dhe qytet te Dibres. Fakti qe per te njejtat tubime PD nuk gjobitet, tregon se te gjitha partite jane bashke. Dje ishin bashke kunder greves dhe protestave tona, sot jane bashke kunder kandidimit te nje minatori.
Mua nuk me frikeson nje gjobe. Nuk frikeson as mijera minatoret dhe qytetaret qe po na japin besen kudo.
Kjo cope leter do te hyje ne historine e turpit te kesaj qeverie.
Ndërkohë që Elton Debreshi është gjobitur me 50 milonë lekë të reja gjobë, partitë e tjera kanë vazhduar të qeta fushatës elektorale në shkelje të rregullave të pandemisë, me tubime masive dhe pa distancë. Për këto nuk ka pasur asnjë reagim dhe masë administrative nga Policia e Shtetit.
